BRICK LANE Deli

星期六去沙田新城市廣場食lunch,2點幾，間間餐廳都仲有好多人等位，就近近地揀左「Brick Lane」，呢度食西餐，意粉，Pizza,All day breakfast 樣樣有。等左5分鐘就咁啱有位。

首先有海鮮意粉（$95），幾隻蝦咬落去都好爽口，好香的蕃茄味，但就整體份量少左d😣。仲有脆香雞翼（$48，4隻），有點貴，但煎的雞翼無咁熱氣，點茄汁都幾好食。

最後有個火箭菜巴馬火腿薄餅（$60），個餅底夠曬薄，一個人食曬四塊都ok, 加上火箭菜巴馬火腿呢個組合無得輸😋。

飲品方面有水果茶（餐+$18）同泡沫咖啡（$26）。杯水果茶好有茶味，唔似出面果d,一味得個甜字。泡沬咖啡就正常水平。