角落咖啡廳 (已易手) 新餐廳

近期見波希米亞風呢種帶比人休閒又舒適既風格大受歡迎,當然我都唔例外咁拉左朋友黎至呢間充滿打卡感既cafe.流心蛋卡邦尼意粉一上枱已經感受到流心蛋果份流動感及張力,半熟蛋隨住意粉盤移動,輕輕用叉子拮穿,鮮豔濃郁既蛋黃隨即溢出,滲透於意粉之間.卡邦尼汁帶淡淡黃色,質感亦相當creamy,意粉完整地掛上卡邦尼汁,入口帶住蛋及忌廉香.外層更灑上烘乾煙肉粒,入口香脆及增添一陣燻肉香及鹹香感.Strawberry Lychee Green Tea不帶額外糖份既綠茶更健康及清新,配上帶微酸既士多啤梨可以減輕剛剛卡邦尼意粉既膩滯感.士多啤梨味較突出,如果多返少少荔枝味會更香甜.