樂天皇朝 (利舞臺廣場) (已搬遷) 新店位置

今次又帶左朋友黎食，前後都食過哩間餐廳5次，朋友話未食過，當然要介紹d好野俾佢食啦😁皇朝小籠包(8粒) $98第一次黎食既話我認為必試招牌8色小籠包，而我每次食都仲係覺得好好味！一上枱店員會講解一次每隻色既味道，態度很好！仲會俾張紙條食客驚我地聽完就唔記得😂好貼心。隻隻味道我都中意，特別係蟹粉同黑松露，除左係大量肉汁，仲係特別香。蘿蔔絲酥餅 $38哩碟又係我次次都會點既菜，酥皮好鬆軟，入面有好多蘿蔔絲，好食！成都口水雞 $78第一次食，好中意個醬汁，唔算好辣完全食到，雞肉好實嫩，整個配搭我開胃，食到停唔到口。上海炒飯 $78哩碟炒飯又係好食，炒到一粒粒分明，幾濃味，有菜粒、蛋粒同蝦肉，份量都幾大份，推介呀！皇朝話梅骨 $88哩碟話梅骨酸酸甜甜非常開胃，每舊肉都掛滿汁好正，仲有都係好大碟。留意番哩度收每位茶芥$7，有碟小菜都要收$15。