嚐點 (已結業)

繼添好運同茶點後..旺角又一間新開既點心專門店【嚐點】呢日咁岩經過~一於入去試下..蝦餃( $16 ): 貌相冇嘜特別..點知一食落去啖啖蝦!想搵一舊肥豬肉都冇..岩晒我口味~水晶寧波餃($14): 開頭唔知係咩黎既..店長好細心分析~呢個要讚一讚先!原來寧波餃即係菠菜蝦餃..呢個都好好食豉汁鳳爪($12): 呢個間間都唔會差得去邊..唔洗多提!火龍石榴露 ($16): 從來未見過一間鋪有呢款甜品賣..見佢又係呢間店既招牌菜~所以一於試下!食落口充滿石榴味..真係超好食呀!另外一題..呢度既服務招呼都好好~比起添好運果d呀姐真係差幾皮!想食點心又唔想受氣..我覺得呢度係一個好好既選擇~下次會再黎試埋佢其他點心..