豚燻 (已結業)

今日同男人黎開銅鑼灣，拉麵怪男人又黎拉麵上身，話聽同事講喺X蘭果條街附近有間拉麵店好好食，佢二話不說就拉左小妹去呢個新大陸正值lunch時間，但好好彩一去到就有位可以坐，餐單好簡單唔複雜，就两款拉麵，豬骨湯同味噌湯底，我同男人不約而同揀左味噌湯，相信會濃厚過豬骨，而黎到就知無揀錯！每碗拉麵跟左三塊紫菜，两片煙燻豚肉，菠菜同木耳絲，麵有得揀稔啲定硬啲，跟手男人追加左啲筍片同一隻煙燻蛋黎囉~上枱熱辣辣香噴噴，事不宜遲，呷一口湯底就知龍與鳳嘩~豬骨湯加上自家調配嘅味噌，濃厚得黎鹹淡適宜，仲有小小嘅甜味吊起咗啲鮮味，忍唔住一啖又一啖咁呷，麵方面小妹揀咗適中，食落有咬口，粗幼分量岩岩好，筍片分量算多，而煙燻蛋就老實…唔係幾食到煙燻味，入面都唔係好流心，如果造到流心效果，應該會加唔少分，豬肉都係經過煙燻，薄切唔油膩,略有煙燻味雖然舖頭有辣芽菜提供，唔食得辣就唔好食啦，男人試啲啲就飲左杯水，要睇返自己情況啦小妹另外叫左餃子同炸雞紫蘇味梅，餃子皮簿涵多，沾埋餃子醋食好醒胃，而炸雞嘅粉漿唔多，咬落仲保留左雞嘅肉汁，而紫蘇梅味就好似食八爪魚丸果啲醬汁咁，甜甜地，好好味！