極尚大瀛喜日本料理 (已結業)

今次朋友生日，梗係生日話事，佢話想食放題，咁我地就上open rice到搵邊間放題好食，好多間都試過，想食d大家都未試過既，咁岩就搵到呢間極上大瀛喜。地址一d都唔難搵，一出銅鑼灣地鐵就搵到，一分鐘都唔洗就搵到。上到去個環境唔會坐到勁迫，又坐得舒服。一坐底唔理三七二十一，第一時間緊係叫個刺身先，d野都幾新鮮，卷物我幾鍾意食佢呢個牛油果軟殼蟹卷，唔錯，唔係好多飯然後係勁細舊軟殼蟹，佢係好大舊軟殼蟹！仲有海膽手卷食，佢出面有D小食可以自己拎黎食，等緊既時候我朋友去拎左醉雞，放題有醉雞食，小之有小，心諗不妙，應該又係唔好食嫁啦，估唔到呢個好大驚喜！好味到不得之了，雞肉質素一D都唔差，醉雞既酒味都唔差，仲要係無雪味！呢個我會好推介大家去食呢到有小丸子食，唔似出面個D咁粉仲有一D冷盤可以比大家出去拎黎食，有螺肉八爪魚雞腎，凍冰冰都幾好食，岩哂出面咁熱既天氣～同埋大家可以試下呢個黃金燒原隻帆立貝，一黎到個賣相已經非常吸引，一試就再叫左將次啦！一食落原來係有沙律醬加芝士，仲再加埋大大粒既帆立貝！簡直係一流！飲品仲要好多選擇～