Terrace in seaside (又一城)

營業中

休息中

又一城新開咗間韓式餐廳，餐廳裝修簡潔明亮，仲有柑橘做主題　。🧡韓國螄蚶拌飯米飯本身質地有口感，加上辣辣地嘅韓式醬汁，同埋醃過嘅螄蚶，唔算太辣，但係都幾惹味。🧡無骨炸雞半份（水原式牛肋骨醬炸雞）佢炸雞本份份量都幾多，牛肋骨醬味道屬於偏甜，加上香口嘅炸雞都幾好食，炸雞入邊保持到肉汁，另外會伴上沙律同埋薯條。🧡士多啤梨蜜糖窩夫佢呢間餐廳啲甜品都不錯呢，窩夫外邊夠脆口，最有誠意嘅係士多啤梨醬入邊有士多啤梨大大粒嘅果肉，好好食。🧡夢幻雪糕布朗尼呢一個Brownie係超級濃郁朱古力味，再加上雪糕，同埋楓糖漿，鍾意朱古力嘅朋友唔可以錯過。🧡抹茶柑橘蜜露冰（凍）呢個味道清新，佢抹茶味都幾濃郁，而柑橘冰係沙冰，當佢慢慢融入抹茶，可以飲到另外一隻清新嘅味道。🧡濟州柑橘乳酪見到啲人去呢間餐廳都會嗌呢個勁得意嘅金橘乳酪，飲落去又幾濃郁喎，好有Yogurt嘅味道。