影片
更多
2008-09-08
17 瀏覽
星期日"花媽li" day....唔知去邊度食好.....爸爸又叫我揸主意.....咁呀....趁架車未上窩打老道天橋之前叫爸爸左轉...我話帶佢去又一城試下D新野...其實EXP對於我黎講都唔算新...以前讀BU...貪近近地...都黎過幾次....但係對於爸爸媽咪呢兩位黎親又一城唔係幫襯八月花就係又一棧...飲開茶...食開包0既人而言....EXP算係"創新之作"...3個人叫左4個dishes....EXP多多拼 ($65)帶子吞拿魚菠菜麵 ($63)錫紙焗雜菌 ($32)尋找咖哩雞Pizza ($65)EXP多多拼 - 有件豆腐, 兩件墨魚餅, 兩件軟殼蟹米紙卷, 牛&雞沙嗲各一,仲有甘蔗蝦兩件65蚊...真係抵到爛...我覺得樣樣都好好食...除左沙嗲之外(屬於好流0既貨色....)帶子吞拿魚菠菜麵 - 呢個係我"飛佛"之一....好多帶子同吞拿魚..帶子好大粒好爽口..菠菜汁煮得好香...食落仲有牛油香味...D麵煮得軟硬適中...Perfect....錫紙焗雜菌 - 無咩特色...但求有D植物纖維到肚...比想像中油膩好多....但係都OK香0既....尋找咖哩雞Piz
唔知去邊度食好.....
爸爸又叫我揸主意.....
咁呀....趁架車未上窩打老道天橋之前叫爸爸左轉...
我話帶佢去又一城試下D新野...
其實EXP對於我黎講都唔算新...以前讀BU...貪近近地...都黎過幾次....
但係對於爸爸媽咪呢兩位黎親又一城唔係幫襯八月花就係又一棧...飲開茶...食開包0既人而言....EXP算係"創新之作"...
3個人叫左4個dishes....
EXP多多拼 ($65)
帶子吞拿魚菠菜麵 ($63)
錫紙焗雜菌 ($32)
尋找咖哩雞Pizza ($65)
EXP多多拼 - 有件豆腐, 兩件墨魚餅, 兩件軟殼蟹米紙卷, 牛&雞沙嗲各一,仲有甘蔗蝦兩件
65蚊...真係抵到爛...我覺得樣樣都好好食...除左沙嗲之外(屬於好流0既貨色....)
帶子吞拿魚菠菜麵 - 呢個係我"飛佛"之一....好多帶子同吞拿魚..帶子好大粒好爽口..菠菜汁煮得好香...食落仲有牛油香味...D麵煮得軟硬適中...Perfect....
錫紙焗雜菌 - 無咩特色...但求有D植物纖維到肚...比想像中油膩好多....但係都OK香0既....
尋找咖哩雞Pizza - 我的另一"飛佛"....今次個Pizza都算大件頭...好多餡....好多雞肉,青紅椒,提子乾同菠蘿.....好足料...好醒胃...Pizza餅面好脆好香口...餅底索滿醬汁..軟綿綿好有0趙口...唯一挑剔0既係個咖哩汁唔太有咖哩味...但係overall黎講都依然係好味....
埋單加一都係$247.5...食到D有質素又唔太貴0既lunch...都算係咁....
但係最開心0既係.....爸爸媽咪總算接受新嘗試....好suprise地...佢地各自食左3件咖哩雞pizza....個拼盤佢地兩個就攻陷左8成有多....
能夠見到佢地開懷大食新菜式....我呢個女都算係"老懷安慰"喇...HAHA
張貼