三井日韓料理 (已結業)

今日剛好與屋企人外出, 又到食飯時間, 行行下就見到兆萬新開左一間放題,於是就去試試啦…..呢到既地方都唔錯, 環境都幾大而且舒適。 刺身都幾新鮮, 而且款式都多可以揀: 三文魚, 吞拿魚, 甜蝦, 八爪魚, 希靈魚,蚌等等…..三文魚係最好味, 魚味甘香濃郁, 值得一點再點!!! 壽司方面, 選擇同樣都多, 火炙蟹棒壽司好好味, 火炙三文魚腩壽司油脂味濃,值得一讚。再加上呢到有好多創作壽司, 賣相吸引, 花之戀大大件, 十分足料….海膽劍魚脯味道十分夾, 鮮味十足!!!!! 串燒味道都唔錯: 燒海蝦燒得岩岩好, 十分彈牙; 燒翠玉瓜燒得岩岩好, 一啲都唔乾身, 仲保持到水分同爽脆; 燒豬肉餅串, 感覺唔錯而且並唔係好油膩, 肉汁鮮美; 燒魷魚仔, 鮮美而且彈牙!!!!野飲方面既選擇都算多, 有好多唔同既種類可以選擇, 加上呢到既服務唔錯亦都好小有漏單既情況出現, 值得一讚。