影片
更多
2022-05-21
349 瀏覽
王家沙。花樣年華今日同朋友食好少少。同埋未真正行過呢個商場，所以就揀左呢間食Lunch2個人叫左3樣野+1杯飲品！好食之餘仲可以打卡！一舉兩得！蘇式鮮肉小籠包 $68Staff介紹，話呢個小籠包係必食既菜式！咁當然要試試佢啦👍🏻話要大概10至15分鐘先有。好有理由相信佢係即叫即蒸，一籠有5粒。粒粒都呼喚緊我。staff都好細心叫我小心熱。記得要用匙羹食，如果唔係就流走哂啲精華。我就鍾意成粒放入口個種滿足既感覺。所以我都灘左一陣先敢食！一入口。啲汁真係爆哂出黎。肉既鮮味同小籠包入面既汁會充斥住成個口係超級滿足既感覺！第2粒我就沾左少少醋再試下有無分別。個人會喜歡乜都唔沾。因為可以試至佢既原汁原味！醉嘉美雞 $108呢個又係打卡位！成個酒埕入面放滿雞肉無特別數，粗略估計應該都有十幾舊。佢放到3層既雞。頭一層，雞相當之嫩滑！有淡淡既酒香，加上脆脆地既雞皮。一流！當以為之後食落去都係一樣既時候，發現下面幾層既都係有酒浸到！所以鍾意酒味重少少既人可以直接食下面既先。等第一層再浸多陣最後先食返！酒味香而不重！👍🏻老壇酸菜鱸魚片 $228到呢一個重頭戲就係呢個酸菜魚！鍾意食辣但又唔可以食好辣既人就岩
今日同朋友食好少少。
同埋未真正行過呢個商場，
所以就揀左呢間食Lunch
2個人叫左3樣野+1杯飲品！
好食之餘仲可以打卡！一舉兩得！
蘇式鮮肉小籠包 $68
Staff介紹，
話呢個小籠包係必食既菜式！
咁當然要試試佢啦👍🏻
話要大概10至15分鐘先有。
好有理由相信佢係即叫即蒸，
一籠有5粒。粒粒都呼喚緊我。
staff都好細心叫我小心熱。
記得要用匙羹食，
如果唔係就流走哂啲精華。
我就鍾意成粒放入口個種滿足既感覺。
所以我都灘左一陣先敢食！
一入口。啲汁真係爆哂出黎。
肉既鮮味同小籠包入面既汁會充斥住成個口
係超級滿足既感覺！
第2粒我就沾左少少醋再試下有無分別。
個人會喜歡乜都唔沾。
因為可以試至佢既原汁原味！
醉嘉美雞 $108
呢個又係打卡位！成個酒埕入面放滿雞肉
無特別數，粗略估計應該都有十幾舊。
佢放到3層既雞。
頭一層，雞相當之嫩滑！
有淡淡既酒香，加上脆脆地既雞皮。一流！
當以為之後食落去都係一樣既時候，
發現下面幾層既都係有酒浸到！
所以鍾意酒味重少少既人
可以直接食下面既先。
等第一層再浸多陣最後先食返！
酒味香而不重！👍🏻
老壇酸菜爐魚片（小）
$228
4 瀏覽
0 讚好
0 留言
老壇酸菜鱸魚片 $228
到呢一個重頭戲就係呢個酸菜魚！
鍾意食辣但又唔可以食好辣既人就岩哂。
因為可以叫佢小辣。
拎到出黎未放低，幾枱既人都望哂過黎。
因為啲香味真係超級正！
雖然叫左細size但都幾多。
除左魚片，仲有金菇、木耳、酸菜、薯粉
都夠你食好耐！如果要黎撈飯一定食到2碗！
重點！！！我同男朋友都食唔到有骨！
起哂骨都值回票價！下次可以試埋其他👍🏻
黑熊珍珠奶茶 $34
睇相就知有幾大杯！
又係一個打卡位！呃Like一流！
我仲試咬隻熊仔一啖🤣係甜既！
因為出面有啲舖頭只係一舊冰，
呢個位加分。因為以我多年既打卡經驗，
如果隻熊仔無味就一定越飲越淡。
所以呢杯係可以飲到底既！
400幾蚊2人份都可以既。
再加上當日有揸車。
夠$300可以free 3hrs
食完仲可以慢慢行下街！
張貼
