Burger Home (已結業)

對於一個唔多食牛既人來講，去burger home的確有d可惜，不過唔代表無好野食。睇睇menu，牛漢堡的確好多選擇不過唔食牛，可以食豬，魚，都可以好多選擇。今次唔想食肉，單點磨菇素牛漢堡，可以加少少錢變成套餐，又幾有彈性。先講講素牛先，質地係有八九成似，當然味道比真牛係有分別，d沙律菜睇相都知好新鮮，整個包既賣相，睇得出係有心機鋪排。另外，我仲想讚個漢堡包包裝纸，食d咁厚既burger，好易食到天一半地一半，包裝紙整到兜形，就可以盡情大啖大啖咁咬落去。薯條啱啱炸起，熱辣辣，小咸，感覺小d邪惡。最後想講，成個餐由薯條架，木餐盤，都睇得出係有心機，令成個餐present出來加晒分。