影片
更多
2008-05-04
7 瀏覽
每次搭巴士經過都見到呢度有「無味精」0野食, 今日終於0黎幫襯了. 見佢大大隻字話海南雞飯係招牌, 當然要試試啦 ($35; 凍飲加 $2).先0黎凍奶茶, 幾滑又好香茶味, 幾好飲! 可惜 d 冰幾多0下, 唯有自行走冰.送的例湯係西洋菜湯, 賣相好清, 飲落清潤, 亦果然無人造味精喎, 唔錯唔錯.Set lunch 的海南雞飯原來係碟頭上, 另外有分開上的黑醬油, 酸辣汁及薑茸. 先食雞, d 皮唔算薄又一般滑, 食落都爽口, 不過有好幾件有去唔清的雞毛, 都幾噁心; 肉算幾嫩, 雞皮下仲有一層骨膠原 jelly, 意料之外. 雖然佢話係「去骨」, 但明顯有去唔清的跡象, 不過既然無乜影響味道, 算啦; 油飯就麻麻0地, 雖然佢乾身, 幾0岩我口味, 不過食唔出係「油」飯, 只有淡淡的椰汁味, 唔係咁鍾意; d 醬汁亦麻麻0地, 薑茸唔夠味, 酸辣汁唔夠酸又唔夠辣 (連我都話唔辣, 嗜辣的千祈唔好試!), 黑醬油稀稀的, 不過甜甜0地, 味道都唔錯.環境係港式西餐廳格局, 都幾乾淨企理; 招呼亦係港式西餐廳招呼.埋單 $37, 好平, 不過感覺麻麻, 試過就算了. 下次都
每次搭巴士經過都見到呢度有「無味精」0野食, 今日終於0黎幫襯了. 見佢大大隻字話海南雞飯係招牌, 當然要試試啦 ($35; 凍飲加 $2).
先0黎凍奶茶, 幾滑又好香茶味, 幾好飲! 可惜 d 冰幾多0下, 唯有自行走冰.
送的例湯係西洋菜湯, 賣相好清, 飲落清潤, 亦果然無人造味精喎, 唔錯唔錯.
Set lunch 的海南雞飯原來係碟頭上, 另外有分開上的黑醬油, 酸辣汁及薑茸. 先食雞, d 皮唔算薄又一般滑, 食落都爽口, 不過有好幾件有去唔清的雞毛, 都幾噁心; 肉算幾嫩, 雞皮下仲有一層骨膠原 jelly, 意料之外. 雖然佢話係「去骨」, 但明顯有去唔清的跡象, 不過既然無乜影響味道, 算啦; 油飯就麻麻0地, 雖然佢乾身, 幾0岩我口味, 不過食唔出係「油」飯, 只有淡淡的椰汁味, 唔係咁鍾意; d 醬汁亦麻麻0地, 薑茸唔夠味, 酸辣汁唔夠酸又唔夠辣 (連我都話唔辣, 嗜辣的千祈唔好試!), 黑醬油稀稀的, 不過甜甜0地, 味道都唔錯.
環境係港式西餐廳格局, 都幾乾淨企理; 招呼亦係港式西餐廳招呼.
埋單 $37, 好平, 不過感覺麻麻, 試過就算了. 下次都係搭叮叮去「大少爺」度食好 d.
張貼
