飲茶 (已結業)

今日好開心呀因為可以同朋友仔去'飲茶'到飮茶，做是功課大概知道所在位置唔難搵，好在樓下有影左佢地既相出黎，如果唔係我真係唔多留意到呢到，上到去， 人不多，未到午飯時間，雖然有預約，但是侍應可以比我們揀位坐，裝潢不錯，簡約舒適，空間感幾好，要叫咩點心好？當然係包包包包！睇住流奶，一籠八戒，咁可愛，唔係唔叫下化。睇住流奶其實係奶黃包，入面都好流沙，真係可以睇住佢流奶出黎架！奶黃甜度適中，包身鬆軟，而一籠八戒就係叉燒包，樣子就可愛到乜咁，但是材料就真係冇乜特別，醬汁也不濃，比出面茶樓淡味d, 但是樣子可愛就可以加分啦！除左包之外，我地仲叫左叉燒蒸腸，好特別的擺放, 腸粉皮透薄，而且軟滑，仲可以見到入面既叉燒塞滿曬，放入口中，滿囗叉燒，有色蝦餃，啖啖蝦，皮薄餡靚，有顏色的蝦餃睇得又食得，而鴿吞鳳梨就好精緻，以雀籠上枱，放入三隻細小既鴿，味道似鳳梨酥，不太甜，外皮不會淋曬，似曲奇口感，至於珍珠雲吞，普通之作，但是味道一流，材料貨真價價實，皮不會厚，大大隻蝦，不會有太多肥豬肉，蝦好新鮮同鮮美，一碗好似有6粒，好滿足喔