影片
更多
2020-12-28
99 瀏覽
因為疫情關係冇得去韓國旅行，唯有搵韓國餐廳食嘢，呢間韓國嘢之前已經食過一次，出名抵食加好食！午餐更加係抵食到爛，平均40幾蚊就有，喺香港食韓國嘢來講真係算好平。仲有其他唔同食物可以係主食餐牌揀。鐵板牛肉飯（$58）：熱辣辣鐵板上碟，牛肉醃得入味，仲有好多配菜，用嚟送飯一流。牛骨蘿蔔湯（$108）：牛骨湯湯同蘿蔔都好甜，係用牛仔骨一齊煲，啲肉質仲好淋好重牛味，正！牛肉湯加多$25就可以有泡菜炒韓國泡面，原本係驚唔夠食所以先嗌個麵嚟送湯嘅，點知原來超大個麵，超足料！邪惡拉絲豬仔肶（$98）：呢個豬仔肶真係不得了，成個pan咁多嘅芝士直接加熱再用豬仔肶沾上，極邪惡，但好玩又好食！另外仲有個小食優惠超抵食，每台可以+2款，我哋加咗個紫菜粉絲卷，熱辣又脆口，好味。總括而言，呢間餐廳真係好低好食好玩，住喺將軍澳嘅朋友仔可以多啲去試吓！
午餐更加係抵食到爛，平均40幾蚊就有，喺香港食韓國嘢來講真係算好平。
仲有其他唔同食物可以係主食餐牌揀。
鐵板牛肉飯（$58）：
熱辣辣鐵板上碟，牛肉醃得入味，仲有好多配菜，用嚟送飯一流。
牛骨蘿蔔湯（$108）：
牛骨湯湯同蘿蔔都好甜，係用牛仔骨一齊煲，啲肉質仲好淋好重牛味，正！
牛肉湯加多$25就可以有泡菜炒韓國泡面，原本係驚唔夠食所以先嗌個麵嚟送湯嘅，點知原來超大個麵，超足料！
邪惡拉絲豬仔肶（$98）：
呢個豬仔肶真係不得了，成個pan咁多嘅芝士直接加熱再用豬仔肶沾上，極邪惡，但好玩又好食！
另外仲有個小食優惠超抵食，每台可以+2款，我哋加咗個紫菜粉絲卷，熱辣又脆口，好味。
總括而言，呢間餐廳真係好低好食好玩，住喺將軍澳嘅朋友仔可以多啲去試吓！
張貼
