王林記潮州魚蛋粉麵

營業中

休息中

平時絕少嚟港島東，仲要係幾乎最東嘅筲箕灣，即刻問下住附近嘅朋友有咩必試街坊店，結果朋友就推介咗王林記，食潮州粉麵食得潮州粉就預咗唔會坐得好舒服，不過王林記又唔算好逼，裝修仲幾特別早餐時段嚟，選擇都唔少我哋嗌咗牛腩米同魚蛋米，加個脆奶油豬，一杯茶走一杯啡走牛腩又淋又入味，加咗腩汁嘅湯香得嚟又唔會漿住個口，白魚蛋好彈，仲有片頭，個奶油豬好脆，好夠牛油同煉奶，茶走啡走都好夠煉奶，熱飲嚟講仲好大杯潮州粉嚟講，王林記的確高質，係有少少貴，但味道絕對對得住價錢