越男仔

營業中

休息中

之前食過，覺得唔錯，老公話今次要叫D唔同嘅菜式。餐牌改左，同上次食唔同左，選擇仲多左添。我哋叫左兩款小食、海南雞、主食同兩杯飲品。越式炸脆蝦片：份量大份，蝦片好脆，作為餐前小食，幾好。三色檬紙卷：檬粉包得滿滿，札實唔散。煙三文魚滲油，手絲雞燒過香口，牛炸醬味濃，三款味道，三種唔同口感，好味。招牌無骨海南雞：肉嫩無骨，啖啖肉，口感好滑溜，配埋旁邊醬汁仲滋味。越式石鍋炒檬粉：炒檬粉唔多油，味道酸酸甜甜，配料有札肉，手絲雞同豬絲等，炒得好惹味。石鍋勁有熱度，仲有麵焦底添，好好食。飲品：老公叫左杯越男仔鮮水果茶，佢話有好多菠蘿，飲得出有唔同水果味道，微甜，佢就幾鐘意。我就叫左杯椰子沙冰，上面有大大個椰汁沙冰球，椰子味香，甜甜地，夠晒冰凍，勁消暑。