長發海鮮酒家 (已結業)

約左姨姨一家到佢地樓下的長發海鮮酒家飲茶去, 今次去四樓的一間, 比五樓平的一間這兒的點心味道無樓上咁好, 但價錢平一些, 一碟花甲只係十八蚊, 份量就好似去食一碟豉椒炒蜆咁多, 味道都唔錯架, 豉汁好惹味呢, 花甲係第一次食, 肉身比較瘦, 比蜆肉靭少少另外叫o左一煲鳳爪排骨飯, 感覺上都係份量取勝, 味道則只係一般, 排骨比較多肥膏, 肉不多, 不過, 以一間平民的酒樓水準都不算很差的其他點心味道都係普通, 例如奶皇包的包身唔算滑, 奶皇的質地就像布丁一樣, 不算很滑; 而餃子的皮都比較厚姨媽會比較多來這間, 因為價錢大眾化, 家庭的支出可節省不少