影片
更多
2015-11-20
435 瀏覽
原本今日係可以跟同事一起到韓國玩&食. 但由於我跟一位同事是同一Team. 所以唔可以一齊放假. 唯有退出啦! 冇得去玩. 當然約埋老公仔女去食韓燒補數啦! 近近地去將軍澳新都城漢陽樓. 之前住新都城同事講過呢間都好抵食. 好啦! 就試吓啦! 原來漢陽樓新推出咗部隊鍋. 如果四人以上可以一個價錢有部隊鍋+任韓燒+任飲(酒精飲品除外). 都係$168.每人再加$18. 仲可以任食頂級牛脊肉. 即是最後每人都係$186. 超底! 環境又寬敞, 舒服, 乾淨. 職員又好禮貌. 食物種類真係好多呀. 有辣雞翼, 泰式香茅雞翼, 原味牛仔骨. 韓式牛仔骨, 魷魚鬚, 秋刀魚, 多春魚, 牛肉, 豬頸肉......仲有好多好多. 未能盡錄. 熱食有豬腳薑, 炒飯, 薑蔥蟹, 燒豬頸肉, 蘿蔔牛腩....同樣都係好多好多. 未能盡錄.湯有豬骨蓮藕湯, 人參雞湯. 甜品有蕃薯糖水, 西米紅豆沙, 涼粉, 啫喱糖, 沙律, 雪糕...還有壽司呀! 由於食物種類太多, 所以我唔會逐一介紹比大家. 我只會介紹以下幾款食物. 如果大家有興趣, 可以親身去試吓. 部隊鍋: 湯底人參雞湯(有泡菜湯底的, 不過我
食物種類真係好多呀. 有辣雞翼, 泰式香茅雞翼, 原味牛仔骨. 韓式牛仔骨, 魷魚鬚, 秋刀魚, 多春魚, 牛肉, 豬頸肉......仲有好多好多. 未能盡錄. 熱食有豬腳薑, 炒飯, 薑蔥蟹, 燒豬頸肉, 蘿蔔牛腩....同樣都係好多好多. 未能盡錄.湯有豬骨蓮藕湯, 人參雞湯. 甜品有蕃薯糖水, 西米紅豆沙, 涼粉, 啫喱糖, 沙律, 雪糕...還有壽司呀!
由於食物種類太多, 所以我唔會逐一介紹比大家. 我只會介紹以下幾款食物. 如果大家有興趣, 可以親身去試吓. 部隊鍋: 湯底人參雞湯(有泡菜湯底的, 不過我地揀咗人參湯底). 鍋嚟到嘅時候, 裡面已經有好多好多食物. 有鮮冬菇, 腸仔, 午餐肉, 韓國年糕, 蔬菜, 白蘿蔔, 青瓜, 大蒜, 豆腐. 豬脯肉. 個人參湯底好香. 另到係鍋裡面嘅食物吸收咗湯嘅味道. 所以連普通嘅腸仔都好好味. 而豬脯肉. 又唔會有肥淋淋嘅感覺. 韓國年糕煙煙un un. 好有咬感. 其餘的都唔需要多講啦!
頂級牛脊肉, 雖然要加$18任食. 我覺得好抵. 一定要加. 因為牛味好香. 肉質軟滑, 放在部隊鍋或燒都一樣好食. 淨係食牛脊肉都已經抵晒. 因為我地一家四口食咗四盆. 一盆有8塊. (其實大部份都係我食)
薑蔥蟹, 蟹大大件, 而且好入味. 我個女都食咗起碼有8件
炸曼頭, 點解我會介紹炸曼頭? 就係因為佢唔起眼. 而且你地唔好睇少炸曼頭, 炸得好食係唔容易的. 炸都金黃色, 而且唔會油淋淋. 食落脆卜卜. 加埋錬奶, 無得頂.
今天真的很高興, 肚皮很滿足
張貼
