La Postre (形點) (已結業)

平日在yoho 都食家上海比較多，女友想轉下食其他野食，最後我地試下西班牙菜，其實我都唔係好知西班牙菜係點，今次的感覺都唔錯，同平時食開的西餐味道都幾唔同。青檸香辣凍蜆幾特別的味道，平日好少食到，佢有少少辣，不過我都可以接受到。味道幾開胃，最好做開胃菜，幾好。牛仔蠔肉燉飯好味，佢汁的味入晒飯，每一口都好好味，佢有蠔同牛肉，牛肉唔會太硬，可能佢選左筋的位置，所以食入口牛肉好淋。西班牙乳豬陪焦糖菠蘿乳豬幾脆，而且內裡的肉好淋好滑，但最估唔到最好味係個菠蘿🍍，第一次咁的食法，菠蘿超甜加上焦糖在面，成個感覺好似食甜品咁，有機會一定要試試。水果麻薯窩夫但個甜品比較失望，沒有太特別的感覺，本來有點期待麻薯窩夫，但可能麻薯的量唔太多，所以沒有我預期的口感，味道中規中矩，，而且剛好個窩夫機壞了，所以等得比較長時間。