老掌櫃東北菜館 (富達廣場)

營業中

休息中

今日去咗元朗國覓食，已經唔知第幾次嚟食老掌櫃啦，每一次都冇令我失望！唔知點解今日起身就好想食片皮鴨所以就過咗嚟呢度食啦。今次食咗紅油抄手、酸辣湯、當然仲有我最想食嘅嘅片皮鴨。控油抄手，皮薄餡靚，再配埋佢嗰個紅油真係一絕呀，冇令我失望！酸辣湯，正正常常啦。之後就到我最鍾意食嘅片皮鴨啦，每次過嚟呢度都會食佢。佢啲皮真係燒得好脆，每一塊都係多皮再配埋少少嘅鴨肉，再加埋青瓜絲洋蔥絲同埋嗰張包埋一齊食真係好好味呀。食到我唔停口啊，不過記得唔好食太多啦，因為食得太多就會好遛架啦！兩個人最後仲食唔晒要打包走，呢度啲嘢食真係抵食夾大件😝