咖啡灣 (荃灣千色匯) (已結業)

呢間人氣爆燈的餐廳聽左好耐好耐，連住在荃灣的同事都一直叫我去，但一直未抽到時間出荃灣，今日終於得閒出黎喇～我同我條佬大概七點半到達，餐廳用上落地玻璃，站在門外能清晰看到一整排的咖啡杯座位，門口又有大大隻天鵝，裝潢設計花盡心思剛好出面無曬位，員工安排左我地在收銀處旁的獨立包廂，充滿田園風格～餐牌設計精美，望到樣樣都好想食丫～第一樣叫左軟殼蟹凱撒沙律，落單時員工更說這裡的軟殼蟹是原隻上，不會切開一半，聽到己經急不及待想快D食哇！軟殼蟹真係原隻上，好吸引！炸得酥脆不油膩，粉漿又薄；沙律菜份量多又新鮮，唔知呢度係未專登將沙律菜整碎D呢？因為完全不會見到一大塊沙律菜，夾起來超方便，可以大大啖放落口第二樣係軟殼蟹卡邦尼意粉，雖然看似細碟，但其實兩個人share份量剛剛好，意粉口感煙韌，食落一點都不漏，不過最吸引我的始終都係原隻軟殼蟹，酥脆外皮加埋蟹肉蟹膏真係好正！好滿足呀最後係手作特級和牛漢堡，落單時員工重問要不要切成兩份，非常體貼 哇～到喇！超厚和牛肉餅！食落充滿牛味但嫌不夠juicy，整體味道較單調，如果加上濃郁的醬汁配搭應該會更好～薯條用新鮮薯仔切條去炸，十分香脆！最後忍不住叫左杯熱朱古力