影片
更多
2019-10-07
104 瀏覽
呢排見咁鯛魚湯咁興我就決定黎試吓個湯究竟有幾特別。嚟到呢間鰂魚涌地鐵站附近嘅鯛魚魚湯專門店，見到餐牌上特別推介原隻蟹同埋原隻龍蝦，見咁耐冇食蟹就決定叫咗呢個鯛魚濃湯鮮蟹湯飯，近排做緊推廣，先至$138 ，有成隻蟹！等左10分鐘左右已經有，係用一個鍋裝住，下邊有啲火保溫，打卡一流呀。呢度好貼心，有蟹鉗、有濕紙巾，店舖入面又有地方洗手。蟹蓋入面又有蟹膏，蟹肉又夠曬鮮嫩，每隻腳都有肉食，而且幾容易剝，唔痴殼。個鯛魚湯真係不得了，超濃！原來煲左十幾個鐘！啲湯飯粒亦控制得幾好，唔會腍到粥咁，仍然係一粒粒。餐牌介紹鯛魚非常健康，脂肪含量低之餘，仲好有益，可以降血壓，仲有豐富骨膠原，簡直係我哋呢啲平時慣左大魚大肉，但又想食健康啲嘅最佳選擇。一場黎到鯛魚專門店，就想食埋原材料鯛魚，就加左鯛魚片（$18）仲有花膠（$30）。每份追加食物個底都有附送蔬菜，夠晒平衡。而且每份都係浸住濃濃嘅鯛魚湯，黎到已經好入味。鯛魚原本以為係餐牌上面生生地既一片片，點知黎到係一舊舊熟既，比我想像中大份好多，$18黎講好抵食！花膠份量亦非常多，有6舊左右，而且夠腍之餘又有啲咬口，配住本身都帶膠質既鯛魚湯一齊食味道一流。飲品方
嚟到呢間鰂魚涌地鐵站附近嘅鯛魚魚湯專門店，見到餐牌上特別推介原隻蟹同埋原隻龍蝦，見咁耐冇食蟹就決定叫咗呢個鯛魚濃湯鮮蟹湯飯，近排做緊推廣，先至$138 ，有成隻蟹！
等左10分鐘左右已經有，係用一個鍋裝住，下邊有啲火保溫，打卡一流呀。
呢度好貼心，有蟹鉗、有濕紙巾，店舖入面又有地方洗手。蟹蓋入面又有蟹膏，蟹肉又夠曬鮮嫩，每隻腳都有肉食，而且幾容易剝，唔痴殼。
個鯛魚湯真係不得了，超濃！原來煲左十幾個鐘！啲湯飯粒亦控制得幾好，唔會腍到粥咁，仍然係一粒粒。
餐牌介紹鯛魚非常健康，脂肪含量低之餘，仲好有益，可以降血壓，仲有豐富骨膠原，簡直係我哋呢啲平時慣左大魚大肉，但又想食健康啲嘅最佳選擇。
一場黎到鯛魚專門店，就想食埋原材料鯛魚，就加左鯛魚片（$18）仲有花膠（$30）。每份追加食物個底都有附送蔬菜，夠晒平衡。而且每份都係浸住濃濃嘅鯛魚湯，黎到已經好入味。
鯛魚原本以為係餐牌上面生生地既一片片，點知黎到係一舊舊熟既，比我想像中大份好多，$18黎講好抵食！花膠份量亦非常多，有6舊左右，而且夠腍之餘又有啲咬口，配住本身都帶膠質既鯛魚湯一齊食味道一流。
飲品方面要左杯熱蒸餾哈拉竹炭咖啡（$20）。味道方面奶味比較重，但依然無蓋過咖啡味，口感都好順滑。
呢度服務認真好，因為剝蟹殼需要一段時間，期間個湯飯好容易凍曬，侍應就密密過黎關心我需唔需要加湯或者加熱。
呢度店鋪都坐到三十人左右，有吧枱位有正常坐位，入面仲有大枱可以坐六個人。係凳底仲有膠盒擺袋。呢度只收現金，無加一。總括黎講印象好好啊，加油！
張貼
