更多
2019-07-31
28 瀏覽
今日收工來銅鑼灣打邊爐,如果講台式火鍋,試過咁多間,我暫時最鐘意老鍋,而且佢地不時有優惠。銅鑼灣有兩間分店,呢間比較方便我地,就喺巴士站旁邊嘅澳門逸園中心。我地被安排到卡座,從大玻璃可以望到希慎。呢間分店面積唔算大,裝修都幾特別,好有中國風,古色古香。大部份傢具都係木製,好有質感。醬油、茶芥 20/位原個椰青三黃雞鍋 168呢個鍋底唔知係咪新嘅呢,之前冇留意佢地有,質素唔錯喎,唔一定要下下酸菜白肉、麻辣鍋咁,有多個選擇。首先店員上左湯底,裡面本身有粟米、紅棗、椰肉、冬菇、蔥等材料。三黃青雞係另上,即場幫我地落鍋。雞件啖啖肉,唔算話好肥之後會以原個椰青加入湯底,真材實料湯底滾起之後,可以飲番幾碗先開始打邊爐。呢個湯底有明顯椰青水味嘅味道,非常清甜粟米有七件,漲卜卜,好甜嘅。甜不辣 38話明台式火鍋,梗係唔少得呢D小食,點左個甜不辣,又幾好食喎。一份四件,即製,外面少少脆,口感幾煙韌,沾少少酸辣醬特級安格斯雪花肥牛 188好多時打邊爐點牛肉,都要睇彩數,so far我食過幾次,以呢次質素最好。牛肉雪花均勻,入到口仲好軟腍,完全唔會韌,而且仲有肉味山竹鮮牛丸 58一籠四粒牛肉丸,擺盤幾靚。山
呢間分店面積唔算大,裝修都幾特別,好有中國風,古色古香。大部份傢具都係木製,好有質感。
醬油、茶芥 20/位
原個椰青三黃雞鍋 168
呢個鍋底唔知係咪新嘅呢,之前冇留意佢地有,質素唔錯喎,唔一定要下下酸菜白肉、麻辣鍋咁,有多個選擇。首先店員上左湯底,裡面本身有粟米、紅棗、椰肉、冬菇、蔥等材料。
三黃青雞係另上,即場幫我地落鍋。雞件啖啖肉,唔算話好肥
之後會以原個椰青加入湯底,真材實料
湯底滾起之後,可以飲番幾碗先開始打邊爐。呢個湯底有明顯椰青水味嘅味道,非常清甜
粟米有七件,漲卜卜,好甜嘅。
甜不辣 38
話明台式火鍋,梗係唔少得呢D小食,點左個甜不辣,又幾好食喎。一份四件,即製,外面少少脆,口感幾煙韌,沾少少酸辣醬
特級安格斯雪花肥牛 188
好多時打邊爐點牛肉,都要睇彩數,so far我食過幾次,以呢次質素最好。牛肉雪花均勻,入到口仲好軟腍,完全唔會韌,而且仲有肉味
山竹鮮牛丸 58
一籠四粒牛肉丸,擺盤幾靚。山竹墊底,牛肉丸裡面仲有馬蹄粒,肉丸彈牙,唔會好似點心嘅牛肉丸咁腍pat pat鬆哂。
鮮炸響鈴卷
一份四件,好大卷,外層薄脆,即食又得,放入湯底都得。
蘭花苗 42
寬粉條 38
粉條份量不少,外表晶瑩,口感幾煙韌,不錯吃鐘意佢地仲有個撈,方便淥粉麵。
杞子杭菊露 28/杯
杭菊露清潤,而且足料,而家打邊爐都好少再飲汽水類了。
見到近門口位置擺放左好多御茶園嘅產品,原來有promotion,8月31號前買御茶園冷山茶王產品,可以參加台灣兼阿里山專車賞茶旅遊抽獎,同埋拎住收據來老鍋,食滿300蚊(基本上一定得),會送雪花一口牛粒/極品黑毛豬梅肉,其實真係抵喎
張貼