宏 (已結業)

喺黃埔花園行左入個叫九號水產嘅商場揾地方食晏，呢間食店門面光猛，門口banner話有日本海藻烏冬，未食過，所以即刻行左入去。餐牌介紹有純日本白燒鰻魚定食，有埋海藻烏冬，喺香港未食過，所以唔駛諗就叫左呢個套餐。白鰻魚冇經任何調味煮過，所以原汁原味咁略帶少少腥味泥味，同落單時侍應介紹時一模一樣，夠專業。其中比埋四款醤油，任君選擇伴白鰻魚食。個套餐仲有沙律丶一碗白飯同埋一碗海藻烏冬，日本米一貫好食，個烏冬扁扁哋，食入口煙煙勒勒，加埋個清湯，好好食。甜品喺綠茶蛋捲，細細件咁幾精緻。