泉章居 (已結業)

好懷念以前東江菜既味道，可惜，黎呢度食祇有破壞回憶，鹽焗雞幾滑，但係好韌亦冇雞味，雞背鹹到苦，雞胸又唔入味，味道連雪藏雞都不如；梅菜扣肉，梅菜用下價野，冇梅菜甘甜味，冇洗清乾淨Ｄ鹽，淨係得死鹹兩個字，扣肉肥廋比例八分肥二分廋，恕小弟真係唔多識欣賞；荔芋鴨仲大鑊，鴨肉炸到卜卜脆，入口有油億味，原碟擺返o係度，難得到埋單都冇待應問過，服務有幾好可想而知，地踎就係地踎，搬左上新舖咪又係果一班人。