Flamingo Bloom (已結業)

人人都飲佢D水果茶加珍珠（我見佢D珍珠唔係黑色，唔知個味係點呢），我就飲『小鳳梨茉莉綠』。不嬲都好鐘食菠蘿，飲菠蘿特飲，平時係呢類飲品店好少見到有菠蘿味嘅野飲，見佢幾特別，就俾個機會佢啦。有得揀普通杯同原個菠蘿上，原個菠蘿當然係貴D，但都唔爭在啦，佢一杯雜果茶都要三十幾蚊，計落原個菠蘿好似仲抵。登登！就係咁嘅樣啦！佢將菠蘿入面D肉挖哂出黎，可能用左黎榨汁，所以係飲到菠蘿味嘅。平時D菠蘿特飲除左菠蘿味就係甜味，但佢入面係茉莉綠茶，所以多左份香味。茉莉加菠蘿都幾得意，唔會奇怪呀！面頭仲送左塊檸檬俾我，雖然係飲唔到有檸檬味～整體黎講個味都幾夾！可以encore!不過如果想飲就最好堂食（都算多位，唔洗等），因為個菠蘿太凹凸不平，佢又冇任何容器盛住個菠蘿，長期拎住隻手會痛～而且拎住成個菠蘿係街上面行，好似有D太引人目光了吧XD朋友加左錢要個flamingo水泡影呃like相，我都唔執書，借黎影下，雖然個菠蘿擺唔落XD 同埋係呢杯飲品先會有印左菠蘿嘅飲管！！！