break (已結業)

週末係觀塘海濱公園附近搵地方食飯，發現呢棟商業大廈Quayside原來餐廳週末都開，而且幾多人添！今次揀左去Break。蛋黃漬蔥吞拿魚茸三文魚子丼($158)吞拿魚茸份量適中，唔會好膩，🐟調味無蓋過魚肉真實味道，加上帶淡鹽味嘅三文魚籽，再將蛋漿撈埋，整體超美味。本身配味噌湯同魷魚🦑，味噌湯唔會好鹹，而且都幾多料，唔係淨係得粉。魷魚加上調味醬亦好正。信州白葡萄氣泡咖啡（$58）呢間咖啡令人眼前一亮，本身用嘅係埃塞俄比亞咖啡，即比較🍇fruity帶酸嘅口味，☕️再加上酸酸甜甜嘅日本白葡萄同蘇打水，仲有薄荷葉平衡酸味，令人感覺完全唔似飲緊咖啡😍。焙茶卷蛋（$48）甜品方面，🍰揀左焙茶味因為唔想太甜，果然揀得啱，而且茶味亦無咩苦澀味，忌廉亦無落得好過分，整體幾平衡。