Mad for Garlic (已結業)

從來無諗過原來蒜頭做主菜都可以敢好食，之前聽朋友講Mad for Garlic 好食都唔太相信，今日放工去開奧海城就去試下，我地點左三款主菜加一樣甜品，點知樣樣都夠特别又好味。Garlic Sizzling Rice $138尼個蒜蓉牛油炒飯由鐵板上，所以能夠保持成個飯既熱度，而且底層仲會有輕微飯蕉，非常啱我口味，牛油炒飯本身已經夠曬香，再加上煙肉、飛魚籽同埋脆炸蒜片，簡直係正。Garlicpeno Pasta $108尼個意粉帶點香辣，意粉加上辣椒銀魚柳、炸蒜片做配料，簡單得離食更考廚師既廚藝，意粉夠彈牙，軟硬度剛剛好，配上炸蒜片又係好香既味道，不過整體就會偏油左少少。Garlic Snowing Pizza $138尼個薄餅一定要必試，餡料有菠蘿、炸蒜片、蝦，上枱後店員加上大量芝士嚮面，多種口感，大蝦彈牙爽口，菠蘿甜甜酸酸，炸蒜片又香又甜又脆，必食之選。Panna Cotta 店長主動話我地知嚮網上登記成為餐廳會員會有甜品送，我地立即登記，每人送一個甜品，甜品係奶凍上面加左藍莓醬再配三粒蒜頭，夠曬特別，奶凍夠甜，配合蒜頭食係另一種味覺。