誰是老闆 (已結業)

下午, 又回到長沙灣, 繼續搞 "關係", 不過接禮的, 同老闆講就是秘書, 其實叫個保安收左算數. 說要即回公司.....電話應承了, 但飯都未食, 當然醫好肚先閃啦.旁邊就有一間, 名字古怪的茶餐廳. 誰是老闆, 就快快入去試試, 睇下我係唔係老闆. 入到去, 我當然是老闆啦, 因為我係客人嘛 (小巴司機術語, 客人 = 老闆). 茶餐廳, 當然先看看牆上大字報, 不過一看, 點解滿是聖經 quote, 看一看餐牌, 也有聖經既quote. 甚有教會feel. 老闆call 過要即走, 咁都搵d快快趣既, 即時點了一個雞絲炒伊麵. 一個鑊仔上, 干燒伊麵, 夠煙韌, 雞絲, 感覺上是冰鮮雞切出來的雞絲, 因為雞絲帶皮, 普通食開既雞絲, 大多從雪藏雞胸切出來, 鮮味當然冇, 而且鞋口. 用鮮雞切出來的, 唔單只比較滑, 而且有雞味. 一個下午茶都做得有聲有色, 果然是荔枝角區其中一間出名既茶記. 不過我不是教友, 如果是教友的話, 相個都會道上一聲"阿門".