星叻海南雞飯

喺火炭呢邊做完嘢，諗緊好冇返沙田度食飯，原來喺工廠區呢邊，俾我哋發現到係有嘢食嘅，喺上樓嘅工廠大廈入邊，有呢間海南雞飯。

好，坐低睇吓有咩好食先。

星叻去骨走地海南雞，配油飯、涼拌小菜加例湯，抵食！冇骨嘅滑滑海南雞，咬落啖啖肉，仲有三款醬料可以點，油飯粒粒分明唔糊口，個雲耳都煮得唔錯。

秘製海南手撕雞飯套餐，我哋呢啲懶人最喜歡食手撕雞，一絲絲放入口，又快又方便，手撕雞上面有點點芝麻，食落唔夠香滑，拌飯一流。