Rice Paper (已結業)

之前成日都聽到Rice Paper呢個名, 但一直都未有機會試~今次終於嚟試, 結果都幾多人排隊, 排咗大約20分鐘先有位~今次order咗香芒雜菜米紙卷、越南XO醬雞肉炒金邊粉同牛柳粒紅飯~香芒雜菜米紙卷呢個米紙卷係成餐嘅亮點, 米紙卷裡面有芒果 、紅菜頭、紅蘿白同九層塔, 樣樣材料都好鮮~ 個皮好煙韌, 芒果超級香甜, 紅菜頭同紅蘿白好爽, 再加埋九層塔嘅香味同點佢地provide嘅醬(個醬有D似芝麻醬) 嚟一齊食, 真係又開胃又好好味!!!越南XO醬雞肉炒金邊粉味道ok, 同出面食到嘅味道無異, 但雞肉有彼濃嘅雪藏味~最差就係唔夠熱, 講真炒粉麵夠熱, 真係會影響成碟粉嘅味道~牛柳粒紅飯紅飯做得唔錯, 粒粒飯都有茄汁味, 啱晒鍾意茄汁嘅我~牛柳粒有肉味, 但炒得過咗火, 變得好韌, 好似食緊香口膠咁~成碟嘢都只係微暖~今次真都幾失望, 以為會好食, 點知都係得個名, 真係無下次!!!