影片
更多
2025-04-30
17 瀏覽
今日去大快活買早餐食，嗌咗兩碗茄醬通，一個膠盒入邊嘅通粉，只係裝咗一半多少少，湯水多過通粉，茄醬通的茄醬湯好稀⋯問佢（職員）點解得咁少？佢話係得四安士，公司規定。唔係呀嘛？面前兩碗一樣嘅粉，份量都唔同啦。好彩我買咗兩碗有對比姐。另一碗都唔係多，不過叫比較「合理」囉。我話你其他分店都唔係咁少啦，佢話廚房入邊有個磅磅過個喎！叫佢磅嚟睇吓又話做唔到喎。真係唔知四安士有幾多啊。如果呢件事係真嘅，半碗多少少又係叫四安士，咁究竟係連埋湯？定係點啊？ 你有規矩嘅咪講出嚟大家明買明賣囉。轉個頭又話裝返俾我。都唔知邊句真。仲要多謝佢。食過咁多間大快活早餐，呢間都算係最差！唔係第一次令人唔滿意，幫襯至少10次以上，所以今次檢查埋先走，10次有8次，攞到返去呢都令人好唔滿意呀！啲滑蛋又冇其他分店咁滑。佢呢間同其他分店都好唔同㗎，啲早餐，堂食嘅，又係用紙兜，份量係比正常少，係咪金鐘呢啲地方食嘢就要係咁？ 失望😮💨
問佢（職員）點解得咁少？佢話係得四安士，公司規定。唔係呀嘛？面前兩碗一樣嘅粉，份量都唔同啦。好彩我買咗兩碗有對比姐。另一碗都唔係多，不過叫比較「合理」囉。
我話你其他分店都唔係咁少啦，佢話廚房入邊有個磅磅過個喎！叫佢磅嚟睇吓又話做唔到喎。真係唔知四安士有幾多啊。如果呢件事係真嘅，半碗多少少又係叫四安士，咁究竟係連埋湯？定係點啊？ 你有規矩嘅咪講出嚟大家明買明賣囉。
轉個頭又話裝返俾我。都唔知邊句真。仲要多謝佢。
食過咁多間大快活早餐，呢間都算係最差！唔係第一次令人唔滿意，幫襯至少10次以上，所以今次檢查埋先走，10次有8次，攞到返去呢都令人好唔滿意呀！啲滑蛋又冇其他分店咁滑。
佢呢間同其他分店都好唔同㗎，啲早餐，堂食嘅，又係用紙兜，份量係比正常少，係咪金鐘呢啲地方食嘢就要係咁？ 失望😮💨
張貼
