影片
更多
2018-11-27
158 瀏覽
唔搵唔知, 原來呢個商業中心都有好多嘢食, 各國種類都有, 但我偏愛台灣菜, 於是嚟食一下個個都話係古早味的台灣菜~由於附近周圍都係寫字樓, 一到食飯時間基本上間間都要等位, 好彩都唔係等咗好耐就有位, 1-2個人係相對比較容易有位的, 响等緊位時, 當然唔好浪費時間, 剔定要食乜, 其實之前已經响OR睇定有乜好食, 所以都唔駛點諗, 不過其實台灣嘢, 我來來去去都係食炸雞扒或者炸排骨, 今次先食炸雞腿~呢度裝修夠哂支古色古香, 枱櫈都係木, 不過枱與枱之間空位不足, 坐得唔係幾舒服, 好有壓迫感, 令你想快啲食完快啲走掛? 炸秘制大雞腿乾拌麵呢個係一個套餐, 包1個菜、1個靚湯、1個餸、1個飯/麵/粉, 咁我當然係試乾拌麵, 試下個麵質先................個麵細細碗, 幾驚唔夠飽, 可能因為佢啲肉燥多油, 都幾"long"肚, 再撈埋面果埋茸, 成完又油又口臭...........以為有個菜健康啲啦~ 但又係油立立, 完全係增肥餐囉~其實一般台灣麵都係炸雞扒, 因為冇骨, 其實我都係睇錯咗, 以為佢係雞排, 點知見到先發現佢係雞腿, 係食得麻煩少少, 其實雞扒同雞腿都
由於附近周圍都係寫字樓, 一到食飯時間基本上間間都要等位, 好彩都唔係等咗好耐就有位, 1-2個人係相對比較容易有位的, 响等緊位時, 當然唔好浪費時間, 剔定要食乜, 其實之前已經响OR睇定有乜好食, 所以都唔駛點諗, 不過其實台灣嘢, 我來來去去都係食炸雞扒或者炸排骨, 今次先食炸雞腿~
呢度裝修夠哂支古色古香, 枱櫈都係木, 不過枱與枱之間空位不足, 坐得唔係幾舒服, 好有壓迫感, 令你想快啲食完快啲走掛?
炸秘制大雞腿乾拌麵
呢個係一個套餐, 包1個菜、1個靚湯、1個餸、1個飯/麵/粉, 咁我當然係試乾拌麵, 試下個麵質先................
個麵細細碗, 幾驚唔夠飽, 可能因為佢啲肉燥多油, 都幾"long"肚, 再撈埋面果埋茸, 成完又油又口臭...........
以為有個菜健康啲啦~ 但又係油立立, 完全係增肥餐囉~
其實一般台灣麵都係炸雞扒, 因為冇骨, 其實我都係睇錯咗, 以為佢係雞排, 點知見到先發現佢係雞腿, 係食得麻煩少少, 其實雞扒同雞腿都係同一個部位~ 個炸雞腿皮就炸得好脆, 仲保留到肉汁, 唔會炸到乾哂, 明知係雪藏雞腿, 但食落都唔覺有雪味~
最唔肥都係個湯, 是日係霸王花湯, 渣多過湯, 味道都好濃~
其實呢餐都係唔係幾啱我食, 一來油, 二來重口味, 我食完到第二日個口都仲feel到陣蒜茉茸味, 而且果晚仲成晚好口乾, 完全唔得掂, 我都係搵返啲淡口啲, 呢度都係留返啲重口味人士嚟食吧~
4 瀏覽
0 讚好
0 留言
張貼
