2DP (已結業)

素食多以菇類製成，呢一間店比較多元化， 放咗好多超級食物落去做佢哋的食材。店鋪的裝修都以簡約為主。 將近似素食嘅嘢變成平凡嘅食物，令鍾意食肉嘅我易於接受。無花果希臘芝士沙律 $86沙律落咗三色藜麥，藜麥口感比較硬，普通咁煮黎食會覺得唔好食㗎! 但係呢一間店卻將佢造到煙煙韌韌咁樣，口感有啲似煲左的薏米咁，令我食完想再食。另外希臘芝士就咁食會覺得有種好羶嘅味道，甚至乎可能有啲難聞添，出奇地同埋沙律撈埋一齊食，可以冇咗嗰個種羶味。素牛漢堡伴薯條 $102塊肉有啲似梅菜豬肉，不過個顏色比較深色。 而且嗰啲肉係比較軟身，冇平時食嘅漢堡咁實。 塊薄脆好脆， 味道較淡少鹹，無添加無落味精，好健康。薯條只落少鹽，唔駛點茄汁都好食。士多啤梨古樹紅茶 $38有好豐富嘅水果，茶味唔太濃。食咗之後唔會覺得有啲肥膩嘅感覺，反而覺得個人輕鬆咗，冇咁重負擔。