McCafe (杏花新城)

營業中

休息中

最近呢一兩年好立克呀，阿華田呀呢d即沖飲品好似大熱咁。m記亦都唔输蝕，立馬推出一款阿華田咖啡同特飲，等我都飲返個“頭啖湯“先！呢杯名為阿華田鮮奶咖啡，我好養生，叫左杯熱既。熱果陣一飲落去，我又想罵人。點解好似之前果杯金栗咖啡一樣，只係得咖啡味，完全無左所謂既金栗味呢？飲到一半依然無味。。。。好啦，我等杯野凍左少少再飲，細細啖咁飲，唔好咁大啖。。。咦，我終於發現有阿華田味啦，不過都係淡淡地。算啦，合格啦，但其實咖啡真係要熱飲同大啖飲先至好味囉！