翔壽司 (已結業)

厚福街一向好多嘢食，以前喺附近返工成日都會喺呢邊食lunch。今次就約咗朋友收工去呢間小店試吓，位置比較少，所以都幾full下。小店係一貫日式裝修，bar枱設計。明太子沙律 $48立方體型嘅明太子真係第一次食，口感好特別，配埋爽脆嘅青瓜絲係一個好好嘅前菜。上壽司盛盒 $198三文魚子/帶子/赤蝦/炙燒金線鯛/真鯛/吞拿魚/鯖魚/油甘魚/魴鮄/蚧肉蚧膏每件壽司嘅刺身都有返一定厚度，口感豐富。 壽司飯亦都恰到好處，唔會太黏或易散。第一次食魴鮄，個名好特別，魚身白中帶粉紅，口感紮實。.12件自選壽司 $208火炙三文魚腩/火炙帶子/火炙金線鯛/火炙左口魚邊/深海池魚/魴鮄壽司自選壽司張list有好多比較特別嘅魚可以選擇，有啲個名仲係第一次見。呢間鋪頭嘅火炙壽司都比較特別，會燒到勁香口，逼到魚嘅油份出黎。深海池魚冇得頂，肉質緊實，略帶油花，清爽鮮甜。