西苑酒家 (已搬遷) 新店位置

本人第一次寫食評,皆因尋晚情人節遭遇實在不吐不快.我尋晚第一次去呢間所謂名店,7:30pm去到,一坐低侍應輪流sell我食翅,因為女友塞車未到,我預先落單,經侍應解釋,雙併可併燒雞或鹽焗雞,最後叫了叉燒脆燒腩雙併,到8:00pm人齊落單,我預訂嘅燒腩賣哂!(何謂預訂??),燒鵝賣哂,燒雞鹽焗雞一律不可列入雙併!!之前有侍應推薦砵酒焗石蠔,又話賣哂!(尋晚有個每位$488嘅情人節套餐,餐中有石蠔,我肯定石蠔一定有,只係唔俾我啫!)女友唔想食飯,要粥,落單後冇件事,15分鐘後追佢,又話賣哂...最後,我地無可奈何咁叫左一碟大哥叉燒(熱叉燒囉,冇咩特別),半隻燒雞(皮脆,但好鹹),啫啫唐生菜(聞落幾香嘅,但係苦),一煲是日翅羣老雞湯(還可以),加一碗飯,期間我地見侍應會問隔離枱(熟客?)要咩糖水,但我直到埋單都冇人俾我,已經食到咁唔愉快,唔稀罕嗰碗糖水,走人,埋單$625!食到一肚氣,不值一去!