Olbye

營業中

休息中

搬咗來青衣都有兩年，第一次試呢間餐廳！ 前兩日有朋友黎呢度試過晚餐話食物唔錯，於是今日放假就黎試下個午餐啦！環境都好開揚，有啲似裝修比較靚嘅food court 。員工都好友善！ 由於朋友推介厚切豬扒，所以我二話不說就揀咗洋蔥汁厚切豬扒意粉。男友就揀咗牛扒飯，由於佢唔食黑椒汁，咁都好好可以改咗做牛肝菌汁。首先嚟咗個餐湯，應該係蕃茄雜菜湯，一睇就知道個湯唔hea, 好多料,比好多餐廳嘅餐湯都好味!如果女孩子飲完個湯包你飽左一半！之後一上個主菜都嚇咗一下，因為真係好大碟，男仔就應該好啱, 女仔就應該好大機會食唔晒!個厚切豬扒真係幾厚，帶少少肥嘅好香口！個洋蔥汁都好惹味，伴碟仲有一啲雜菜夠晒健康！男朋友個牛扒都唔錯，但係我會推介個豬扒多啲！餐飲凍檸茶味道都唔差喎！因為有時茶餐廳啲凍檸茶係可以好難飲嘅！有機會會再嚟試其他嘢！👍🏻 午餐價錢真係幾抵食！