滷川長 (沙田廣場) (已結業)

早排斬完燒味，今晚就嚟到呢一間滷味外賣店，平時行過都唔覺眼原來係新開嘅，即刻買返四盒返屋企試試。👍🏻半隻口水雞口水雞只要放喺碟度叮翻熱佢就食得，麻香味好足夠，而且份量好足，特別仲加上左芝麻，雞肉翻熱後肉質都相當嫩滑～👍🏻健美牛肚牛肚份量相當充裕，淋淋軟軟，滷味汁好入味，調味唔會好鹹，但好麻好辣，啱晒鍾意食辣嘅朋友呀！👍🏻二師兄豬手粒骨膠原滿滿，一盒四件，啱晒一家四口一人一舊！豬手外皮嘅毛髮已經除去，外皮爽彈，肉質易咬。👍🏻濃味牛舌每片都好厚，牛味好香濃，食落有少少麻香感，包裝盒推介涼食最佳，但係小編見天氣凍，都係翻叮左。👍🏻👍🏻小店賣嘅每一盒小食，都係香港本地每日新鮮製造 ，即造即賣，絕無添加防腐劑及人造色素，所以食落都非常新鮮。💡除咗有川味即食小食外，小店更有即用煮食底料醬作為主打，即開即用，整雞煲打邊爐，或者就咁調味都好方便。