山田本舖 (已結業)

睇完醫生經過山田本鋪，次次去都係好多人排，今次，wow,我排第三個目測到按時間表就出爐，隔住塊膠版都流口水，店員將一大個蛋糕切大件入金色紙盒，再放入塑膠透明袋都好靚。因為熱辣辣出爐，店員無蓋住，開盒散蒸氣，怕整濕蛋糕。我拎左部份俾家人食，肉鬆蛋糕質感柔軟，有點似食梳乎厘的感覺，食落很實在的，軟綿綿又充滿蛋香，面層及夾心都佈滿台灣的肉鬆，咸香又夾到微甜蛋糕，我同父母忍唔住食左兩件，很滿足。到我拎返屋企跟老公分享，芝士味蛋糕雪凍了真係好正wor，中間有層芝士，凍食都好幼滑，老公中意凍食的感覺。我食熱既，叮15秒就已經足夠的確見到拉絲效果，很creamy很綿密,叮完後廚房都香噴噴。