泉章居 (已結業)

即興俾老豆媽媽call去食飯，星期二竟然有勁多人等位。六個人當然叫6人套餐啦。是日例湯係花生雞腳湯-好夠味，好老火，雖然味精一定有。唔要鹽焗雞改叫霸王雞，味道同鹽焗雞差不多，肉質幾滑、亦有雞味。連老豆出街食唔食雞，都讚好，不過我覺得味道鹹少少。生炒骨-唔錯，炸得夠脆，而且件件都係排骨，墊底的甜酸蘿蔔好好食。豉汁蒸龍脷-好大條魚，不過肉質唔老亦唔會霉，蒸得剛好，而豉汁好野味。金銀蛋莧菜同蟹肉扒西蘭花都ok，唔會好多油及多茨，搞到一pat pat。雖然個套餐$37X，加埋茶芥、飯粥，埋單都要近500。不過都好抵食。