富臨漁港

營業中

休息中

擇日不如撞日，收工無無聊聊搵飯腳，竟然又比我湊夠半圍六個朋友仔。呢個組合，最啱去酒樓叫番幾味。近近地落去紅磡舊區，享用富臨的晚市優惠。晚市有幾種唔同的優惠，樣樣都好抵好吸引，但每枱就只可享用一款。喜歡鮑魚的我，當然識揀啦。至於小菜，選擇亦唔少，有不同風味。八頭鮑魚只係$26一位，實在非常抵食。如果味道能夠再入味一點，就更出色。不得不讚呢個前菜，滷水掌翼非常之入味，酸酸甜甜咁，好開胃。冬瓜盅亦都好足料，一盅足夠六個人食，每人仲分到兩碗添！其他小菜亦各有各精彩。整體質素都唔錯，而且價錢亦算幾抵，值得再去的。