殿 大喜屋

營業中

休息中

自從出關之後…真係少之又少去堂食…襯今日冇落雨就去 #allyoucaneat 滿足吓口腹啦❤️可能因為而家星期一至五全日都有88折(六/日14:00後都有折)...所以全場都幾滿座...好彩請客嘅朋友預先打咗去訂枱咋😌. 之前食過已經知呢間食物質素係唔錯又幾多選擇…先講自助區…Be覺得個🥥椰子雞湯又椰香撲鼻又好飲呀…鮮果區拎咗啲🍉西瓜又幾清甜…甜品又有冬甩又有芝士蛋糕…汽水啤酒日本清酒梅酒都齊全(朋友話連Asahi都有得任飲係正嘅!!)另外重點分享吓order咗嘅美食😋😋刺身大推極厚切嘅三文魚, 勁肥美嘅拖羅, 同鮮甜甜蝦！之後蒲燒鰻魚同北海道燒帆立貝都係值得追加再追加之選！朋友話燒香草羊鞍入味又軟腍！隻花雕醉鮑魚又唔太濃烈酒味且爽口彈牙！🦀避風塘炒蟹又惹味又肉厚！個珊瑚蚌炒西蘭花竟然都有小炒水準🥦燒溫室甜菠蘿同芝士年糕更係千祈唔好漏咗點嘅項目✌️✌️跟住我哋每人點咗個嘅✨海燕窩椰汁燉木瓜都獲得一致正評！最後仲可以每人揀一款貴價雪糕！Be要果杯沖繩海鹽雪糕🍦真係完美作結咗呢一餐！