S2 鐵板燒 (已結業)

澳洲薄燒牛肉牛肉入面包咗兩種材料，一種係炸蒜頭一種係類似韭菜，牛肉好薄好冧感覺似係日本食嘅牛。芝士流心和牛漢堡及北海道蟹爪切開塊和牛扒啲芝士噴出嚟，好邪惡！西京醬煎煮銀鱈魚個汁甜甜地幾特別。鵝肝最有驚喜，夠creamy，又大塊，燒到好香。一上菜啲煙不停咁標出嚟，青瓜上面有厚有蟹子口感特別,螺肉熟嘅程度啱啱好。重點嚟啦18層海鮮杯一杯有齊咁多款刺身，真係好正呀一次過滿足晒咁多個願望。海膽鮮甜，真係好想食多杯啊。黑松露炒飯 味道啱啱好，有好重黑松露味而且即炒，夠晒香口。呢度環境舒適，可以一邊睇住師傅燒一邊食嘢，係視覺同味覺嘅享受啊。