Neko Puff (已結業)

拿破崙係我最中意嘅蛋糕之一😋係屯門市中心買完外賣，順便外帶左一個香蕉麻薯朱古力拿破崙返屋企嘆～～Neko Puff之前好似係泡芙出名，原來宜家有埋即焗拿破崙，1個鐘就拎得！仲有好多種口味，完全係選擇困難🤪三層厚酥皮，每層都夾住厚厚朱古力忌廉同香蕉，超足料，我覺得係6-8人份量。一切落去都感覺到佢有幾酥脆🤩店員話12個鐘內享用係最好食，所以我地當晚就即刻開黎食啦！朱古力忌廉打得好幼滑，甜度適中，酥皮咸咸地所以食落都唔會好heavy，間中又會食到香蕉同QQ麻薯粒粒，口感好豐富。第二日食酥脆度有微微下降，但都唔會變淋。下次想試埋個伯爵茶味🥳