千海水產海鮮火鍋放題

營業中

休息中

要講放題，大家一定唔可以錯過最近好hit嘅千海水產🦐🦞🦀🦑佢雖然係大喜屋集團旗下嘅餐廳，但佢並唔係做日式放題，而係做火鍋放題。餐廳以即撈海鮮放題為主打，吸引不少火鍋同海鮮嘅愛好者😎..先講講佢嘅火鍋湯底，選擇都唔少，而且每一個都十分足料，一啲都唔馬虎。有蟹皇海鮮鍋、麻辣鍋、滋補豬筒骨鍋等，部份湯底亦加入大量海鮮熬製，所以味道濃郁😛..海鮮選擇亦都好多元化。有生蠔🦪、鮑魚、多款蝦（基圍蝦、大頭蝦、九節蝦）🦐、多種蟹（花蟹、三點蟹、藍花蟹）🦀、花甲、蜆、帆立貝、花膠等。最特別最特別嘅地方就係餐廳有自助撈海鮮區🤪🤩 海鮮由自己撈，想要幾大隻自己揀，職員會幫大家清洗，然後自己攞返去自己個座位度烚，趣味爆燈💡💡..肉類方面，種類雖然比一般嘅火鍋放題少，但質素一啲都唔差。大家可以試下澳洲M5同牛🐄、美國牛肩胛片、羊肉片🐑、豬梅肉片🐖等。除此之外，佢哋仲有多款美食，包括大路嘅火鍋配料、熱食、點心、前菜、冷盤、水果、甜品同飲品，種類接近百款，啱晒怕悶嘅人。