影片
更多
2017-08-15
3382 瀏覽
白鬍子炸魚薯條有兩間分店，一間喺中環碼頭，一間就座落喺中環一條斜路上，而呢條斜路，就係卑利街，都幾斜架!雖然只係賣簡單嘅野食，店舖雖小，但都有用心裝飾，成間舖都好有外國氣息。左上角一個大大嘅黑鬍子裝飾，仲有後面一道門寫住USED BEER，其實係洗手間嚟，都幾乾淨。中環外國人多，每間食肆都有英文餐牌，或者中英對照嘅餐牌，呢度都唔例外。食品只有三個餐牌︰飲品有兩個餐牌，以酒精飲品居多。每叫一樣炸物就可以要一款醬，我地叫左三款炸物，就揀左三款醬喇~我地叫左檸檬黑椒炸魚薯條$78 ，唔要薯條可以轉沙律、洋蔥圈、薯蓉、薯餅或蒜蓉包，唔想全部野都係炸，薯條就轉左沙律。炸魚好大塊，檸檬味好出，好清新，黑椒味香但又唔太辣。沙律係超多嘅火箭菜同九芽菜，好抵食。白鬍子海鮮籃$78，有炸魚柳、青口、蝦、帶子、魷魚圈、蠔共六款，但唔係用籃上。唔係新鮮海鮮，係急凍野，當然少一份鮮味，幸好炸得香脆，熱辣辣!香辣魷魚鬚 $42，開頭食唔係好辣，點知越食越辣! 炸得太乾身，食落較硬。Mango Kush $40，橙汁沙冰，味道偏甜。Guava Kush$40 ，番石榴沙冰，味道都係偏甜，但多一陣果香味，我哋鍾意呢款
雖然只係賣簡單嘅野食，店舖雖小，但都有用心裝飾，成間舖都好有外國氣息。
左上角一個大大嘅黑鬍子裝飾，仲有後面一道門寫住USED BEER，其實係洗手間嚟，都幾乾淨。
中環外國人多，每間食肆都有英文餐牌，或者中英對照嘅餐牌，呢度都唔例外。食品只有三個餐牌︰
飲品有兩個餐牌，以酒精飲品居多。
每叫一樣炸物就可以要一款醬，我地叫左三款炸物，就揀左三款醬喇~
我地叫左檸檬黑椒炸魚薯條$78 ，唔要薯條可以轉沙律、洋蔥圈、薯蓉、薯餅或蒜蓉包，唔想全部野都係炸，薯條就轉左沙律。炸魚好大塊，檸檬味好出，好清新，黑椒味香但又唔太辣。沙律係超多嘅火箭菜同九芽菜，好抵食。
白鬍子海鮮籃$78，有炸魚柳、青口、蝦、帶子、魷魚圈、蠔共六款，但唔係用籃上。唔係新鮮海鮮，係急凍野，當然少一份鮮味，幸好炸得香脆，熱辣辣!
香辣魷魚鬚 $42，開頭食唔係好辣，點知越食越辣! 炸得太乾身，食落較硬。
Mango Kush $40，橙汁沙冰，味道偏甜。
Guava Kush$40 ，番石榴沙冰，味道都係偏甜，但多一陣果香味，我哋鍾意呢款多啲。
鬼佬係啤酒當涼茶，唔想飲酒，我地只係叫左沙冰消暑咋! 今晚好熱氣，好彩將個薯條轉左做沙律，食完都冇爆瘡! 呢度啲野係即叫即炸，夠晒熱辣辣!
張貼
