C DESSERT

營業中

休息中

之前夜晚經過【聰。C Dessert】好多人排隊，最近有日睇完醫生經過見下午時間人唔算太多，就去試下啦。有別於好多港式甜品店，佢地大部分都係比較新式既港式甜品、croffle，當然傳統糖水都有。士多啤梨豆腐花：豆腐花加上士多啤梨雪糕同白色類似西米既脆粒粒。豆腐花好香豆味、而且好滑。士多啤梨雪糕見到有士多啤梨籽、唔會好artificial。類似西米既脆粒粒增加口感。杏仁茶燉蛋白：呢個應該係即整、因爲都要D時間等候。非常熱辣辣、杏仁茶會起奶皮。燉蛋白非常嫩滑清甜、杏仁茶好濃郁。超級推薦！【聰。C Dessert】只有灣仔一間、無其他分店。