am.pm (譽發廣場)

作為甜品控嘅我，甜品可以當正餐，食飽飯都會用第二個胃要食😆啱啱去嘉多娜買完麵包，行經附近有間甜品外賣店，我又心動不如行動😂見到poster有發哥同running man 認証，甜品款式都好多味道可選。

🥞提拉米蘇疏乎厘
即叫即做，睇住店員小心翼翼反轉疏乎厘，已經知道佢充滿空氣感，要快D食，唔係佢好塌，質地超鬆軟，提拉米蘇風味濃郁，咖啡味好突出。呢度最好係疏乎厘可以揀件數，1/2/3件，悉隨尊便。

🧇 黃金布丁燒牛角包窩夫
牛角包窩夫非常酥脆，黃金布丁類似吉士醬再用火槍燒過，營造咗好似焦糖布甸嘅脆面效果。

🍦日本雞蛋焦糖布丁牛乳雪糕
上層係牛乳雪糕奶味香濃，下層日本雞蛋焦糖布丁亦都好滑溜。