影片
更多
2023-08-12
56 瀏覽
中環超繁忙，人多車又多，有陣時想搵啖好食嘢食，諗爆頭都唔知食咩好。約咗朋友，又有少少時間，飲茶最好不過。有朋友介紹過利寶，地點非常方便，私隱度高，空間感好足夠，好啱靜靜地嘆下茶。見到Menu其實都幾抵食，六同日茶市有8折，計返都抵食。QR code 落單外，亦有點心紙落單，啱啲老人家或旅客，唔恰電話無上網無電嘅人。選擇唔算好多，每種類得幾款，大路嘢多合大眾口味，散叫幾樣點心，蝦餃燒賣以件數計，廚部小食或想叫小菜都得。☻︎蝦餃$20一粒，無乒乓波咁大粒，一啖啱啱好食晒，個皮好薄而且少少煙韌，入邊嘅蝦爽口彈牙。☻︎鮮蝦春卷酒樓嘅即炸點心都幾出色，食得出係即叫即整，脆口仲好熱。☻︎ 陳皮牛肉球少少陳皮味，豐富咗牛肉球嘅味道。口感比較實淨，唔係散修修嗰種，中間大有少少馬蹄好有咬口。☻︎蟹籽鮮蝦脆皮腸上枱勁有驚喜！ 首先要讚吓腸粉個皮薄得來唔會爛，入邊夾住好大個蝦肉，外邊有一層脆皮，最正嘅係仲加咗好多蟹籽，脆卜卜得嚟又好食。重點好夠熱。☻︎ 香煎韭菜粿3粒索價68，聽落好似好貴咁。試過又覺得其實都值得，充滿韭菜香，淡淡都係韭菜，外皮有啲煙靭，煎香非常惹味。☻︎ 杏汁燉豬肺家常少飲，難得見到。杏汁味唔重，燉湯
有朋友介紹過利寶，地點非常方便，私隱度高，空間感好足夠，好啱靜靜地嘆下茶。
見到Menu其實都幾抵食，六同日茶市有8折，計返都抵食。
QR code 落單外，亦有點心紙落單，啱啲老人家或旅客，唔恰電話無上網無電嘅人。
選擇唔算好多，每種類得幾款，大路嘢多合大眾口味，散叫幾樣點心，蝦餃燒賣以件數計，廚部小食或想叫小菜都得。
☻︎蝦餃
$20一粒，無乒乓波咁大粒，一啖啱啱好食晒，個皮好薄而且少少煙韌，入邊嘅蝦爽口彈牙。
☻︎鮮蝦春卷
酒樓嘅即炸點心都幾出色，食得出係即叫即整，脆口仲好熱。
☻︎ 陳皮牛肉球
少少陳皮味，豐富咗牛肉球嘅味道。口感比較實淨，唔係散修修嗰種，中間大有少少馬蹄好有咬口。
☻︎蟹籽鮮蝦脆皮腸
上枱勁有驚喜！ 首先要讚吓腸粉個皮薄得來唔會爛，入邊夾住好大個蝦肉，外邊有一層脆皮，最正嘅係仲加咗好多蟹籽，脆卜卜得嚟又好食。重點好夠熱。
☻︎ 香煎韭菜粿
3粒索價68，聽落好似好貴咁。試過又覺得其實都值得，充滿韭菜香，淡淡都係韭菜，外皮有啲煙靭，煎香非常惹味。
☻︎ 杏汁燉豬肺
家常少飲，難得見到。杏汁味唔重，燉湯都非常足料。
☻︎蛋白杏仁茶
☻︎楊枝甘露
甜品選擇有幾款，可以試吓楊枝甘露，粒粒芒果好甜，加埋少少西柚，飲完茶想食啲甜嘢呢個係好選擇。
酒樓環境非常靜，值得一讚嘅係侍應好好，好留心食客。茶壺無水，基本上未揭起個蓋，都已經即刻加咗水，非常熱辣辣。點心全部都係即叫即蒸，真係要俾啲耐性先有正嘢。
張貼
